ضحكوا عليك يا مصري

المواطن مصري ... بيسمع اعلام الفكر الجديد كتير.. والراجل جالس قدام مؤتمر الهمبكه السابع وسمع كلام كبير عن الفكر الجديد والرؤيه المتطوره والعبور للمستقبل واخد بالك العبور للمستقبل (طبعا الشعب عبر فعلا للمستقبل بس محروق في مسرح او ميت في قطار الصعيد او غرقان في عباره عضو الشورى وطني) المهم عمي مصري اندهش وانشده وكل حاجه واتمزج قوي من الكلام والمصيبه الكبيره ان الراجل فكر الكلام بجد مش فاكر انه همبكه وفض مجالس وضحك علي الدقون الخ الخ ... وسمع كلام عن ضرورة المشاركه السياسيه والتفاعل .. راح عمي مصري ناوي وصمم ان يدخل انتخابات (يا دي المصيبه يا عم قلنا لك بلاش ) واخذ الراجل في عمل الورق اللازم ومنها فيش وتشبيه... لكن مدير امن الحزب الوطني يوه اسف مدير امن المحافظه ووضع العراقيل المهم عمي مصري استطاع ان يعمل الفيش وخلص الورق وميه ميه.... وذهب ليقدم الاوراق فقام رجال(فزع الدوله) باعتقال عمي مصري ولما سالهم عن الكلام اللي سمعه في مؤتمر الهمبكه ... ضحكوا لحد ما وقعوا علي ديولهم وفالوا لعمي مصري .. انت صدقت يا روح ......